好既開始係成功既一半

這是我人生中第一次組成的隊伍──無窮。

10月23日5時15分，是我們到CSMOGIRL面試的日子。一行六人如此鴻心壯志地出發。

這天我真的很興奮，團結是一種很好的感覺，難得自己還有一團火，去整合一個團隊，感染他人。

從來都只得自己一個衝衝衝，如果PRESENT是合作，那我還稱得上分工合作過。

這次，不是獨腳戲。

本來，我們各不相識；有些日子，我們相見不相識；然後，君子之交淡如水；從今開始，我深信，我們六連心。

我猜，除了我，他們都是比較寡言的，他們也很少開懷大笑吧。

因為在我們的PROFILE中，除了我，大家也笑得很含蓄，特別是YY，我很少見他笑，冷笑除外，但這張相片中，我感受到我們每個人也很開心。

我們六人眾就在銅鑼灣這個繁盛的地方，穿上火紅奪目的衣服在行人道上穿梭，真的很觸目，應該說很異相才對，哈哈！我還笑著問Y，我們會否俾警察逗？游姐說：「Ｄ人O嘴係正常既，唔O就唔正常！」

說真的，面試完畢的一刻，我覺得我們已經贏了。

我們搭地鐵時，有一金句定必記低，某人說：「時間就好似波罅咁，你要有，就點會都支到出黎。」我真係覺得好貼切！好型！我好鐘意呢句呀！！！！

晚上到靚仔家中補習，他們邀請我一起吃飯，我也很樂意和他們一起吃花蟹，我最愛的海鮮呢！！！！

然後第二句金句出來了，靚仔五年級的弟弟說：「MISS你今日一定有出街！」我問：「點解咁講呢？我日日都有出街架。」他回答：「你對眼今日油左顏色。」

嘩，我個刻差Ｄ笑到噴出黎！我話：「你個形容我好BUY，送你一張貼紙，我呢種叫畫左眼線，或者化左妝，我點都諗唔到用油顏色黎形容！好野！」

最近，我的心開了。

咁博為乜呢？

今日嶺南有個booth賣文具，HI-TEE C $9支咋！！！重唔狂買？但都忍左手，冇買晒所有顏色=0=唔似得當年買無印咁，係買晒所有顏色=0=我都重有鋪蓄筆癮！如果星期一番去個booth重係度既話，我同自己講，買晒佢啦！等乜呀？

咁辛苦番十份工為乜呢？就係為左買呢Ｄ呢筆囉XDDDD

唉，點解要病..............我已經制止緊佢發出黎架啦，重要越黎越勁=0=

本身個人都冇乜力，而家重要病到成個人軟軟浮浮咁，有升仙既feel，我好憎呢種感覺。

唯有用意志力頂住。

遲來的歌

發現會呼吸的痛為時已晚，

繼而尋找那遺失的美好，

方知親愛的那不是愛情，

喜歡戀愛真的很殘酷。

同學趣談

能跟Ron和Sam做同學是十分幸運的事。

拍硬擋既最佳體會，做得野，講得笑。

個日Ron突然問一句：個個真係你老豆？

我：下？老豆都有假？你問緊facebook？

Ron：好後生，完全唔覺得似年過半百，真係話你男友都信。

Sam：你同你細佬個張都似男女朋友。

我：即係50歲又似，掉番轉15歲又似？想點？

---------------------------------------------------------------------

今日放工係銀座見到。

我的最愛。友誼永固。

中獎記

我係Keep住咁中獎，我都會Keep住咁繼續抽獎！目前為止，中獎指數已直迫70次！

今日媽咪去收信，就中左2場優先場既戲飛~呵！單身大急救同阿童木，雖然我唔太熱衷睇戲，不過中左就實要睇！Zoe同我都好想睇單身大急救呢>.<

重有中左20蚊M記卷同埋CK既限量版磁石貼，我已經唔記得幾時抽過呢Ｄ獎，不過，中左就得！最方便就係唔駛出到柴灣咁遠換=0=直接寄到黎屋企！

Zoe手上還有3份中獎等住去幫我換~.~難為了她要幫我去到咁遠換。

感染身邊人抽獎！大家一齊行運啦~

雖然我比較幸運，但我深信，抽獎呢Ｄ野，你肯抽就會中。